Aqmola oblysynda «Tarıh izimen» atty kórme-baıqaý ótti
«Uly dalanyń jeti qyry» maqalasyn júzege asyrý aıasynda Aqmola oblysy bilim basqarmasynyń «Aqmola daryny» daryndy balalar men talantty jastardy anyqtaý jáne qoldaý jónindegi ortalyǵy uıymdastyrǵan baıqaýǵa oblystyń 11 aýdany (Atbasar, Astrahan, Býrabaı, Zerendi, Esil, Jarqaıyń, Jaqsy, Qorǵaljyn, Shortandy, Sandyqtaý, Tselınograd) men 1 qalasynan (Kókshetaý) jalpy sany 57 jas qolóner sheberi qatysty.
Qatysýshylardyń jumysy kórmege qoıyldy, al jumystardy qorǵaý ZOOM platformasy arqyly júzege asyryldy.
Atap aıtqanda, «Quraq kórpe: toqyma buıymdardy kórkemdep óńdeý» atalymy boıynsha 29 jumys, «Sheber qoldar»: aǵashty, súıekti, terini kórkemdep óńdeý» atalymy boıynsha 23 jumys, «Ustaly el ozar»: metalldy kórkemdep óńdeý» atalymy boıynsha 5 jumys usynyldy.
Baıqaýǵa Sh.Ýálıhanov atyndaǵy Kókshetaý ýnıversıtetiniń «Beıneleý óneri, syzý jáne dızaın» kafedrasynyń aǵa oqytýshysy Zahaı Bıbigúl men «Beıneleý óneri, syzý jáne dızaın» kafedrasynyń oqytýshysy Anar Ámirjanova, Azamattyq qorǵanys joǵary kópsalaly kolledjiniń syzý jáne beıneleý óneri muǵalimi Gúlbaný Beısenbaeva tórelik etti.
«Men bul jumysty 8 naýryz merekesine anama arnap jasaıyn dep oılaǵanmyn. Sosyn osy saıysqa jiberdim. Jumystyń aty «Báısheshek gúl». Bul jumysty jasaýǵa 3-4 kún ketti, bul gúldi jasaýǵa juqa túrli tústi metalldardy paıdalandym. Men gúl jasaýdy burynnan da qolǵa alǵanmyn basqa da jasaǵan gúlderim bar olar mektepte kórmede tur. Gúldi jasaǵanda jasandy gúlden úlgi alyp qaǵazǵa túsirip, juqa metallǵa jabystyryp qıyp, arnaıy tap salǵyshtarmen bederlep, qalypqa keltirip jasadym. Gúldiń kúlshesi juqa qańyltyrdan jasalsa, sabaǵyn symnan jasaımyn. Osylaı gúlderdi óńdep arnaıy laktarmen laktap daıyn qylamyn, jasaǵan kezde qaýipsizdik erejesin qatań saqtaımyn. Bolashaqta budanda kúrdeli gúlderdi jasaımyn», – deıdi Shortandy aýdanyndaǵy Novokýbanka orta mektebiniń 7-synyp oqýshysy Abzalhan Hýdabaı.
Júldegerler Aqmola oblysy bilim basqarmasynyń dıplomdarymen jáne alǵys hatpen marapattalady.
