Aqmola oblysynda tanysyn atyp óltirgen 51 jastaǵy astanalyq ustaldy
Oblystyq PD baspasóz qyzmetiniń málimetinshe, qandy qylmys shildeniń 18-de Tselınograd aýdanynyń Qaratomar aýylynda bolǵan.
Bul týraly tańǵy saǵat 08:40 shamasynda jergilikti polıtsııa bólimine habarlandy.
Onda oq jaraqtyn alǵan 36 jastaǵy er adamnyń elordadaǵy qalalyq aýrýhanada kóz jumǵany aıtylǵan.
«Osyǵan baılanysty polıtsııa Qylmystyq kodekstiń 99-baby 1-bóligi boıynsha sotqa deıingi tergeýdi bastady. Er adamǵa Nur-Sultan qalasynyń 51 jastaǵy turǵyny oq atqany anyqtaldy. Belgili bolǵandaı, 18 shilde kúni bir is-sharada kezdesken eki er adam qosylyp araq ishken. Keıin Qaratomar aýylynda otyrysty jalǵastyrǵan. Túnniń bir ýaǵynda ekeýara janjal shyǵyp, kúdikti sol aýylda jalǵa alǵan úıde saqtalǵan myltyqty alyp, dosyna oq atqan. Er adam alǵan jaraqatynan aýrýhananyń jansaqtaý bóliminde kóz jumdy», - dedi vedomstvodan.
PD baspasóz qyzmetinen atap ótkendeı, qazirgi kezde qylmystyq isti tergeý jalǵasýda. Kúdikti ýaqytsha ustaý oqshaýlaǵyshyna qamaldy. Polıtsııa kúdiktiden MR-153 myltyǵyn tárkiledi.
Aıta ketsek, budan buryn «Almaty-Ekaterınbýrg» tasjolynda kólik apatynan eki adam kóz jumǵan bolatyn.
