Aqmola oblysynda sybaılas jemqorlyqqa qarsy komplaens engizilip jatyr

KÓKShETAÝ. QazAqparat - Aqmola oblysynda kvazımemlekettik sektor uıymdarynda jáne kommertsııalyq uıymdarda korporatıvtik adaldyq standarttaryn saqtaýǵa jaýapty sybaılas jemqorlyqqa qarsy komplaens-qyzmetter ınstıtýtyn qurý máseleleri boıynsha semınar ótti, dep habarlaıdy QazAqparat tilshisi.

«Ótken jyldan bastap sybaılas jemqorlyqqa qarsy komplaenstiń ózektiligi men mańyzy zańnamalyq deńgeıde aıqyndalǵan. Komplaens qyzmeti mamandarynyń basty mindetteriniń biri - quqyq buzýshylyqtyń aldyn alý jáne uıymnyń ımıdjin qorǵaý. Bul qural kvazımemlekettik sektordaǵy sybaılas jemqorlyq kórinisteriniń aldyn alýǵa, sondaı-aq kompanııalar ujymdarynda sybaılas jemqorlyqqa qarsy turaqty minez-qulyq úlgisin qalyptastyrýǵa múmkindik beredi dep sanaımyz», - dep atap ótti «Antikor ortalyǵy» alańynda Aqmola oblysy boıynsha sybaılas jemqorlyqqa qarsy is-qımyl departamentiniń basshysy Murat Tóleýbaev.

Semınarǵa qatysqan QR Prezıdenti janyndaǵy Memlekettik basqarý akademııasynyń sybaılas jemqorlyqqa qarsy is-qımyl máselelerin zerdeleý jónindegi zertteý ortalyǵynyń jetekshisi Janar Rysbekova sóz sóıledi.

Ol jıynda standarttaý halyqaralyq uıymy ázirlegen ISO 37001 «Paraqorlyqpen kúres menedjmenti júıesi» halyqaralyq standarty týraly egjeı-tegjeıli aıtyp berdi.

ISO 37001 standarty 2016 jyldyń qarasha aıynda jaryq kórdi.

Ony ázirleýge 44 elden 80-nen astam sarapshy tartylyp, úzdik álemdik sybaılas jemqorlyqqa qarsy tájirıbeler qoldanyldy.

Ol uıymdarda sybaılas jemqorlyqqa qarsy is-qımyl júıesin engizý, qoldaý jáne jaqsartý jónindegi egjeı-tegjeıli talaptar men usynymdardyń jıyntyǵyn bildiredi.

«Standartta sybaılas jemqorlyqqa qarsy komplaens júıesi, ıaǵnı sybaılas jemqorlyqqa qarsy is - qımylǵa jáne uıymnyń korporatıvtik mádenıetin jaqsartýǵa baǵyttalǵan sharalar men baqylaý rásimderiniń tizbesi tolyq aıqyndalǵanyn atap ótkim keledi», - dep habarlady Janar Rysbekova.

Kezdesý sońynda qatysýshylar sybaılas jemqorlyqqa qarsy komplaens formaldy mehanızm emes, shyn máninde jumys isteýi tıis ekenin atap ótti.

Munda bári ár uıym basshylyǵynyń erki men kúsh-jigerine baılanysty.