Aqmola oblysynda sybaılas jemqorlyqqa qarsy alǵashqy vırtýaldy kórme ótti
Vedomstvonyń málimetinshe, is-sharaǵa Aqmola oblysy ákiminiń orynbasary Aına Mysyrálimova jáne Sybaılas jemqorlyqqa qarsy is-qımyl aýmaqtyq departamentiniń basshysy Murat Tóleýbaev qatysty.
«Bolashaq saraıy» ǵımaratynyń úlken ekrandary men monıtorlarynda Sybaılas jemqorlyqqa qarsy qyzmettiń iske asyryp jatqan túrli jobalary, qoǵamdyq monıtorıngter, sybaılas jemqorlyqqa qarsy zańnama, áleýmettik zertteýler, preventsııa jumysy, sondaı-aq, memlekettik qyzmetterdi usyný úderisterin tsıfrlandyrý men ıntegratsııalaýǵa baǵyttalǵan jumystar kórsetildi.
«Jergilikti turǵyndar da, óńir qonaqtary da aqparattyq tehnologııalardy qoldaný arqyly uıymdastyrylǵan atalǵan kórmeni aralaı otyryp, oblysta sybaılas jemqorlyqqa qarsy is-qımyl boıynsha qandaı jumystar júrgizilip jatqanyn, qandaı nátıjelerge qol jetkizilgenin jáne sybaılas jemqorlyqqa qarsy qyzmettiń perspektıvalary belgilengenin bile alady. Mundaı biregeı tásil qoǵamdy sybaılas jemqorlyqqa qarsy mádenıet deńgeıin arttyrýǵa keńinen tartýǵa múmkindik beredi dep sanaımyz», - dedi is-shara barysynda departament basshysy Murat Tóleýbaev.
Aımaq basshysynyń orynbasary Aına Mysyrálimova atap ótkendeı, atalǵan is-sharany «Bolashaq saraıy» balalar men jasóspirimder saraıynda uıymdastyrý týraly sheshim qabyldandy. Óıtkeni jańa ǵımarattyń jumysy balalar men jastardy jan-jaqty damytýǵa jáne oqytýǵa baǵyttalǵan jáne halyq arasynda sybaılas jemqorlyqqa tózbeýshilikti qalyptastyrýǵa yqpal etedi.
Kórme uıymdastyrýshylary sybaılas jemqorlyqty aldyn alýda osyndaı sharalar arqyly qoǵamnyń sybaılas jemqorlyqqa qarsy dúnıetanymyn qalyptastyrýǵa bolatynyn atap ótti.
