Aqmola oblysynda suıytylǵan gazben qamtý máselesi qalaı sheshilýde
Basqarma basshysy orynbasarynyń aıtýynsha, Qazaqstan Respýblıkasynyń «Gaz jáne gazben jabdyqtaý týraly» Zańyna sáıkes ýákiletti organ - QR Energetıka mınıstrligi - toqsan saıyn ishki naryqqa suıytylǵan gaz jetkizý josparyn bekitedi. Aqmola oblysy boıynsha suıytylǵan gazdy aı saıyn tutyný halyqtyń (avtogaz, ballondyq gaz, GRÝ) jáne ónerkásiptik kásiporyndardyń qajettilikteri úshin shamamen 8000 tonnany quraıdy. Jetkizý TMD óndirýshi zaýyttardan-«SNPS Aqtóbemunaıgaz» AQ, «Pavlodar munaı - hımııa zaýyty» JShS jáne «Teńizshevroıl» JShS arqyly júzege asyrylady.
«Qazaqstan Respýblıkasynyń Energetıka mınıstrligi toqsan saıyn suıytylǵan gazdyń shekti baǵasyn bekitedi. Búgingi kúni mınıstrliktiń 2022 jylǵy 30 maýsymdaǵy buıryǵymen bekitilgen suıytylǵan gazdyń shekti baǵasy QQS-syz tonnasyna 33600 teńgeni quraıdy jáne bıylǵy jyldyń 30 maýsymyna deıin jaramdy», - dep atap ótti Birjan Ábdirahmanov.
Memleket basshysynyń tapsyrmasyna sáıkes avtogaz quıý stantsııalarynda avtokólikke janarmaı quıý úshin suıytylǵan gazdy bólshek saýdada ótkizýge ýaqytsha memlekettik baǵa retteý saqtalýda.
2022 jyldyń 5 shildesinde QR Básekelestikti qorǵaý jáne damytý agenttigi suıytylǵan munaı gazynyń shekti baǵasyn belgileý týraly buıryq shyǵardy.
«Aqmola oblysynda halyq úshin gazdy ótkizý baǵasy 70-75 teńge mólsherinde belgilendi. Suıytylǵan gazdy kóterme jáne bólshek saýdada ótkizýdi gaz toltyrý stantsııalary men pýnktteriniń, avtogaz quıý stantsııalarynyń, toptyq rezervýarlyq qondyrǵylardyń ıeleri júzege asyrýǵa quqyly. Oblysta barlyǵy 10 gaz toltyrý stantsııasy, statsıonarlyq jáne modýldik úlgidegi 130 avtogaz quıý stantsııasy, 97 gaz toltyrý pýnkti jáne turmystyq ballondardy aıyrbastaý pýnktteri bar. Jetkizý jospary boıynsha 2023 jyldyń qańtaryna 8772 tonna suıytylǵan gaz bólindi, gazben jabdyqtaýshy uıymdar óndirýshi zaýyttarmen tolyq kólemde jetkizý sharttaryn jasasty», - dep tolyqtyrdy Birjan Ábdirahmanov.
Bıylǵy jyldyń 20-shy qańtaryndaǵy málimet boıynsha, oblystyń gaz jelisi uıymdarynda 1700 tonna bar, taǵy 1400 tonna jetkizilýde. Aqpan aıyna 7830 tonna, naýryz aıyna – 8222 tonna suıytylǵan gaz bólindi.
AGQS (avtogaz) úshin belgilengen baǵalar - lıtrine 55 – ten 75 teńgege deıin, ballondyq gazǵa – kılogramyna 70-ten 172 teńgege deıin (shalǵaıdaǵy eldi mekenderge jetkizýdi eskere otyryp baǵasy), ónerkásiptik kásiporyndarǵa - kılogrammyna 80-den 150 teńgege deıin, toptyq rezervýarlyq qondyrǵylarǵa-m3 úshin 400-460 teńge.
Aıta ketsek, Aqmolalyq kásipkerlerge til týraly zańǵa engizilgen ózgerister túsindirildi.
