Aqmola oblysynda sýıtsıd jasamaqshy bolǵan boıjetken qutqaryldy
KÓKShETAÝ. QazAqparat - Tselınograd aýdanynyń Aqmol aýylynda sýıtsıd jasamaqshy bolǵan 27 jastaǵy qyz qutqaryldy, dep habarlaıdy QazAqparat tilshisi Aqmola oblysynyń TJD baspasóz qyzmetine silteme jasap.
Vedomstvonyń málimetinshe, keshki saǵat 19:15 shamasynda qyzdyń páterdiń esigin ishten jaýyp alyp, ózine-ózi qol salmaqshy bolǵany týraly habar túsken. Aıtylǵan mekenjaıǵa qutqarýshylar dereý jetip, arnaıy quraldyń kómegimen esikti ashty.
«Polıtsııa qyzmetkerleri men qutqarýshylar páterge engen kezde qyz essiz jatqan. 1993 jylǵy qyz eki qabatty kereýetke jip baılap, asylyp ólmekshi bolǵan. Oǵan dereý alǵashqy kómek kórsetilip, jedel járdem brıgadasyna tapsyryldy», - dep túsindirdi TJD baspasóz qyzmetindegiler.
