Aqmola oblysynda sýǵa batyp ketken traktordyń júrgizýshisi izdestirilýde

KÓKShETAÝ. QazAqparat - Aqmola oblysynda aǵyn sýǵa batyp ketken traktor júrgizýshisi izdestirilýde, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, qaıǵyly oqıǵa 7 sáýirde saǵat 04:07 shamasynda Bulandy aýdanynyń Qaraózek aýyly mańynda boldy. Aldyn ala anyqtalǵandaı, Makınsk qalasynyń 36 jastaǵy turǵyny traktormen Qaıraqty ózeniniń sýy jaıylǵan joldan ótpekshi bolǵan. Alaıda, júrgizýshisi kólikti basqara almaı traktor sýǵa ketken.

«Qazirgi ýaqytta polıtsııa qyzmetkerleri men tótenshe jaǵdaılar departamentiniń kúshteri birlesip, traktor júrgizýshisin izdestirýde. Bul derek sotqa deıingi tergep-tekserýlerdiń biryńǵaı tiziliminde tirkelgen», - dedi vedomstvodan.

PD baspasóz qyzmetinen atap ótkendeı, quzyrly organdar joldyń osy ýchaskesinde «qozǵalysqa tyıym salynady» jol belgisi ornatylǵan eki beton blok qoıylǵanyn aıtýda.

«Qazirgi ýaqytta bul aqparat tekserilýde. Sotqa deıingi tergep-tekserý sheńberinde oqıǵanyń barlyq mán-jaılary anyqtalatyn bolady», - dep qosty vedomstvodan.

Aıta ketsek, budan buryn Kókshetaýda kran qulap, bir adam kóz jumaǵanyn jazǵan edik.