Aqmola oblysynda sýǵa batyp ketken 4 adamnyń denesi tabyldy
KÓKShETAÝ. QazAqparat - Aqmola oblysynda úsh kúnniń ishinde sýǵa batyp ketken 4 adamnyń máıiti tabyldy. Bul týraly aımaqtyq TJD baspasóz qyzmetinen habarlady.
Shildeniń 14-i kúni Arshaly aýdanynyń Birsýat sý qoımasynda balyq aýlamaq bolǵan 1959 jylǵy er sýǵa batyp ketken. Onyń denesi araǵa úsh kún salyp 17 shildede Aqmola oblystyq TJD jedel qutqarý otrıadynyń kómegimen jaǵaǵa shyǵaryldy.
Sondaı-aq 16 shilde kúni Shortandy aýdanynyń Bozaıǵyr aýylyndaǵy sý qoımasyna batyp ketken 1998 jylǵy jasóspirimniń denesi tabyldy.
Al 17-shi shilde kúni Tselınograd aýdanynda sýǵa batyp ketken eki adamnyń máıiti tabylyp, jaǵaǵa shyǵaryldy. Onyń biri Qyzylsýat aýylyndaǵy sý qoımasynan tabylǵan 25-35 jas shamasyndaǵy bet-beınesi azıattyq qyz bolsa, ekinshisi Qyzyljar aýylynda Nura ózenine batyp ketken 1972 jylǵy er adam ekeni anyqtalyp otyr.
