Aqmola oblysynda sý tasqynynyń qaýpi joǵary aýdandar əýeden baqylandy
KÓKShETAÝ. QazAqparat - Búgin Aqmola oblysynyń ákimi Məlik Myrzalın óńirdegi kóktemgi sý tasqynynyń qaýpi bar jerlerdi tikushaqpen baqylap shyqty, dep habarlaıdy "QazAqparat" HAA tilshisi.
Aımaq basshysymen birge tikushaq bortynda bolǵan QR ІІM basshysynyń orynbasary ıÝrıı Ilın jəne TJK tóraǵasy Vladımır Bekker Vıacheslavka, Shaǵalaly sý qoımalaryn muqııat qarap, Aqmola oblysynyń Zerendi, Sandyqtaý, Atbasar, Tselınograd aýdandarynyń sý tasqynynyń qaýpi bar ózenderiniń (Sileti, Esil, Jabaı, Nura) jaǵdaılaryn, sý toraptarynyń tasqyn sýlardy ótkizýge daıyndyqtaryn tekserdi. Ásirese, Atbasar qalasynyń mańynan aǵyp ótetin Jabaı ózeniniń jaǵdaıyna kóńil bólindi.
Áýeden baqylaýdyń eń alǵashqy nysany Tselınograd, Zerendi, Sandyqtaý jáne Atbasar aýdandaryndaǵy ózen jáne sý qoımalaryndaǵy sý toraby boldy.
Atbasar qalasy aýmaǵynan aǵyp ótetin Jabaı ózeni boıyndaǵy kópirdiń mańyndaǵy gıdro bekette aımaq basshysy Məlik Myrzalın men QR ІІM mınıstriniń orynbasary ıÝrıı Ilın jəne TJK tóraǵasy Vladımır Bekker óńirdiń kóktemgi sý tasqynynyń aldyn alý sharalaryn baqylyp kórdi.
Búgingi tańda Atbasar oblystaǵy sý tasqynynyń qaýpi joǵary aýdan sanalady. Sol sebepti negizgi kúsh osy aýdanǵa jumyldyrylýda. Aýdan ortalyǵyndaǵy sý basý qaýpi bar úıler men áleýmettik nysandardyń mańy qum toltyrylǵan qaptarmen qorshalyp, aryqtar men sý jiberý nysandary tazalanýda. Sondaı-aq, bógetterdi nyǵaıtý jumystary qolǵa alynǵan. Kezdesýde Məlik Myrzalın sý tasqynynyń aldyn alý sharalaryna júz paıyz daıyn bolý qajettigin atap ótti.
"Biz búgin QR ІІM men TJK basshylarymen birlesip, oblystyń sý tasqynynyń qaýpi joǵary alty aýdanyndaǵy jaǵdaıdy əýeden baqylap shyqtyq . Jalpy, tasqyn sýǵa qarsy sharalar ótken jyldyń kóktem-jazynan bastaldy. Oblystyń barlyq aýdandarynda arnaıy shtabtar quryldy. Onyń ishinde búgingi Atbasar qalasynda salynǵan uzyndyǵy 9 shaqyrym, bıiktigi 7,5 metr bógetti atap ótýge bolady", dedi M.Myrzalın.
Bul jerde TJ boıynsha sý tasqynynyń aldyn alý sharalaryna jumyldyrylǵan apattyq-qutqarý men kommýnaldyq sala tehnıkasynyń daıyndyǵy pysyqtaldy.
Oblys əkimi baspasóz qyzmetiniń məlimeti boıynsha oblys TJ-nyń aldyn alý jáne zardaptaryn joıý úshin 900 mıllıon teńgeden astam qarjy qarastyryp otyr. Qazirgi kezde 12 sý arnasy tazartylyp, retke keltirildi. 32 shaqyrym bóget jóndelip, irgesi nyǵaıtyldy. Topyraqtan qosymsha 1,6 shaqyrym bóget turǵyzyldy jəne 13 sý jiberý nysandary salynǵan.
Oǵan qosa 23,7 myń tonna ınertti materıal, 102 myńnan astam qap, 268,3 tonna janar-jaǵarmaı, 16,7 tonna azyq-túlik əzirlengen.
Sonymen qatar, 2588 adam, 1220 birlik arnaıy tehnıka jəne 66 júzý quraly daıyn tur.
Qazirgi kezde oblystaǵy eldi mekenderde qar tazalaý jumystary qarqyndy júrgizilýde. Búgingi kúnge deıin barlyǵy 850 myń tekshe metr qar syrtqa shyǵarylǵan.
