Aqmola oblysynda sý tasqynynyń qaýpi bar aýmaqtar áýeden baqylandy
KÓKShETAÝ. QazAqparat - Aqmola oblysy ákiminiń orynbasary Janbolat Smaılov, oblystyq tótenshe jaǵdaılar departamentiniń bastyǵy Alekseı Sovetov, Zerendi, Býrabaı aýdandary ákimdikteriniń, Esil basseındik ınspektsııasynyń ókilderi kóktemgi sý tasqynynyń qaýpi bar aýmaqtardy áýeden baqylap shyqty, dep habarlaıdy "QazAqparat" HAA tilshisi aýmaqtyq TJD baspasóz qyzmetine silteme jasap.
Ushý marshrýty Zerendi, Sandyqtaý, Atbasar jáne Býrabaı aýdandaryn qamtydy. Əýeden neǵurlym osal ýchaskeler baqylanyp, jalpy sý tasqynyna baǵalaý júrgizildi.
Aýa temperatýrasynyń kóterilýine baılanysty, Zerendi aýdany Shaǵalaly ózeniniń mańynda qar sýy jınalǵan. Osyǵan baılanysty Shaǵalaly sý qoımasyna sýdyń aǵyp kelýi ulǵaıǵan, shamamen 20 mıllıon tekshe metrge jýyq.
Zerendi jáne Sandyqtaý aýdandarynyń ózen arnasy boıynda sý jınala qoıǵan joq, biraq edáýir qar jatyr.
Atbasar aýdanynyń eldi mekenderindegi erigen qar sýy Jabaı ózeniniń arnasyna quıylýda. Atbasardaǵy jaǵdaıy turaqty túrde baqylanýda.
Býrabaı aýdanynda erigen qar sýy Qylshaqty ózeni jáne Kenesary aýyly arqyly aǵyp ótedi. Zerendi aýdanynyń Ivanovka aýyly baǵytyndaǵy erigen qar sýy Kókshetaý qalasynyń irgesindegi Qopa kóline kelip quıady.
Əýeden baqylaý qorytyndysy boıynsha Kókshetaý qalasynyń áýejaıynda Aqmola oblysy ákiminiń orynbasary Janbolat Smaılov oblys aýmaǵynda kóktemgi sý tasqynynyń qaýpin aldyn alý boıynsha jedel keńes ótkizdi. Keńeste Shaǵalaly sý qoımasynan táýligine 3 mıllıon tekshe metrge deıin sý aǵyzý, Zerendi aýdany Alekseevka aýylynyń sý qozǵalysyn qamtamasyz etý boıynsha jumystar júrgizý týraly tapsyrmalar berdi.
Búgingi tańda barlyq obektilerde táýlik boıy kezekshilik uıymdastyrylyp, monıtorıng júrgizilýde.
