Aqmola oblysynda sý tasqyny kezeńi aıaqtaldy
Aǵymdaǵy jyly Aqmola oblysynyń aýmaǵynda ylǵal qory normadaǵydan eki esege jýyq joǵary boldy. Jabaı jáne Qalqutan ózenderinde sý deńgeıi eń joǵary mejesine jetti. Olardyń arnasynda sýdyń ótýi ótken jylǵy kórsetkishterden asyp tústi,
Arnaıy sharalar bıýdjetinde 501 mıllıon teńge qaraldy.
Maldy aıdap ótetin júzden astam ýchaske belgilendi, 28 myń tonna mal azyǵy qory jasaldy, kóshirý úshin 200 núkte kózdeldi. Degenmen sý apaty óziniń izin qaldyrdy.
Atbasar aýdanynda on úsh úı esepteldi jáne 3 mıllıon teńge zalaldyń orny toltyryldy. Qazir ormandarda áli de saqtalyp qalǵan qar qabaty endi qaýip týǵyzbaıdy. Brıfıngide sý tasqyny kezeńi aıaqtalǵany týraly resmı málimdeldi.
«Sý tasqyny kezeńinde departamenttiń barlyq kúsh-jigeri sýdyń apatsyz jaǵdaıda ótýine jumsaldy, boljanǵandaı, onyń eń úlken kezi Atbasar aýdanynda boldy. Atbasarda barlyǵy 13 úı sýǵa ketti, qazirgi kezde zalaldyń orny toltyryldy, sý tasqyny kezeńi aıaqtaldy, al azamattyq qorǵanys joǵary daıarlyq rejıminen kúndelikti qyzmet rejımine aýystyryldy», dedi Almola oblysy TJD bastyǵynyń orynbasary Qanat Dospaev.