Aqmola oblysynda stýdentti óltirgen kúdiktiler ustaldy
KÓKShETAÝ. QazAqparat - Aqmola oblysynda stýdentti óltirgen 20 jáne 22 jastaǵy kúdiktiler ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 2021 jylǵy mamyrdyń 4-de saǵat 16:17 shamasynda Býrabaı aýdanynyń PB kezekshi bólimine Şýchınsk qalasynyń 46 jastaǵy turǵyny aryz túsirdi.
Er adamnyń aıtýynsha, mamyrdyń 3-kúni saǵat 21:00-de qara tústi «Mersedes-180» avtokóligimen shyǵyp ketken 19 jastaǵy uly úıine qaıtyp oralmaǵan.
«Osyǵan baılanysty PB jeke quramy jumyldyryldy, izdestirý is-sharalaryn júrgizý kezinde atalǵan avtokólik Şýchınsk qalasyndaǵy jergilikti úılerdiń birinen tabyldy», - dedi vedomstvodan.
Kisi óltirý oqıǵasy boıynsha polıtsııa sotqa deıingi tergeý sharalary qolǵa alyndy.
«Býrabaı aýdanynyń Polıtsııa bóliminiń qyzmetkerleri oblys Polıtsııa departamentiniń qyzmetkerlerimen birlesip, osy qylmysty jasady degen kúdikpen 20 jáne 22 jastaǵy aýdannyń eki turǵynyn áshkereledi. Kúdiktiler jasaǵan qylmysyn moıyndap, óltirgen adamnyń denesin qaıda jasyrǵanyn kórsetti», - dep tolyqtyrdy vedomstvodan.
Anyqtalǵandaı, jábirlenýshi bos ýaqytynda jolaýshylar tasymalymen aınalysqan. Kúdiktiler ony «Indraıver» qosymshasy arqyly shaqyrtqan.
