Aqmola oblysynda stýdentterdiń jappaı ýlanýyna baılanysty is qozǵaldy

KÓKShETAÝ. QazAqparat - Aqmola oblysynda stýdentterdiń jappaı ýlanýyna baılanysty sotqa deıingi tergeý sharalary qolǵa alyndy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy jylǵy naýryzdyń 29-da Kókshetaý qalalyq polıtsııa basqarmasyna Aqmola oblysynyń sanıtarlyq-epıdemıologııalyq baqylaý departamentinen 15 naýryzda oblys ortalyǵynyń dámhanalarynyń birinde kolledjdiń 17 stýdenti ýlanǵany týraly aryz túsken.

«Keshki astan keıin jastar júrek aıný, qusý jáne ish ótý qolaısyzdyqtaryna shaǵymdana bastaǵan. Sanıtarlyq qyzmet aýrýdyń taralýyna yqpal etken birqatar sanıtarlyq erejelerdiń buzýshylyqtaryn anyqtady. Polıtsııa basqarmasy dámhana ıesine qatysty QR QK 304-babynyń 1-bóligi «sanıtarlyq erejelerdi buzý» boıynsha sotqa deıingi tergeýdi bastady», - dedi vedomstvodan.

Aıta ketsek, Kókshetaýda dámhanada keshki as ishken 17 stýdent ýlanyp qaldy.