Aqmola oblysynda stýdentter jataqhanasynda zańsyz turyp jatqandar anyqtalýda

KÓKShETAÝ. QazAqparat - Aqmola oblysynda 1 614 stýdent jataqhanaǵa zərý. Jataqhanaǵa aldymen birinshi kýrs, grant ıegerleri jəne kópbalaly jəne tolyqqandy emes otbasylardan shyqqan stýdentter ornalastyrylady. Al, qalǵan stýdentter pəter jaldaýǵa məjbúr, dep habarlaıdy QazAqparat tilshisi Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmetine silteme jasap.

Aqmola oblysyndaǵy bilim ordalarynda «Taza sessııa» jemqorlyqty aldyn alý maqsatynda stýdentter jataqhanasyn zańsyz panalap júrgen tulǵalar anyqtalýda. Atalmysh sharany arnaıy monıtorıng toby men Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamenti jəne Aqmola oblysynyń ІІD birlesip júrgizýde.

«Osyǵan deıin júrgizilgen tekseris kezinde birqatar jataqhanalarǵa jóndeý qajet ekeni anyqtaldy. Búgingi tańda oblystaǵy jəne Kókshetaý qalasyndaǵy joǵary jəne arnaıy orta bilim berý mekemelerine tıesili 14 jataqhana tekserildi.

Oǵan qosa oblys aýmaǵyndaǵy ózge de kolledjderdiń jataqhanalary tekserispen qamtylǵan», - dep kórsetilgen baspasóz habarlamasynda.

Aıta ketý kerek, arnaıy monıtorıngtik top jumysynyń basty baǵyty óńirdiń jemqorlyqqa qarsy kúres strategııasynyń júzege asyrylýyn jan-jaqty taldaý jəne baǵa berý bolyp tabylady.