Aqmola oblysynda stýdentter sotta tájirıbeden ótedi
KÓKShETAÝ. QazAqparat - Aqmola oblystyq sotynyń tóraǵasy Dosjan Ámirov pen Sh.Ýálıhanov atyndaǵy Kókshetaý memlekettik ýnıversıtetiniń rektory Marat Syrlybaev ózara áriptestik jónindegi memorandýmǵa qol qoıdy, dep habarlaıdy QazAqparat tilshisi sottyń baspasóz qyzmetine silteme jasap.
«Sottyń ýnıversıtetpen áriptesýdiń negizgi maqsaty Elbasynyń «Rýǵanı jańǵyrý» baǵdarlamasy aıasynda, Joǵarǵy sotynyń «Rýhanı jańǵyrý - máńgilik el bolýdyń kepili» taqyrybynda ótkizgen «dóńgelek ústeldegi» qarardy júzege asyrý boıynsha is-sharalar josparyn jáne Qazaqstan Respýblıkasy Prezıdenti N.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynyń qaǵıdalaryn júzege asyrý boıynsha vedomstvoaralyq josparyn oryndaý, sonymen qatar sot júıesiniń ashyqtyǵy men qoljetimdiligin qamtamasyz etý, sýdıalar korpýsynyń zııatkerlik áleýetin arttyrý jáne jańa formatsııadaǵy zańgerlik kadrlardy qalyptastyrý bolyp tabylady» - dedi Aqmola oblystyq sotynyń tóraǵasy Dosjan Ámirov memorandýmǵa qol qoıý kezinde.
Sot jáne JOO-ny áriptestiktiń negizgi baǵyttaryn belgiledi. Olar «Qazaq dalasynyń bıler soty ‑ egemendi elimizdiń sot-quqyqtyq júıesiniń negizi» taqyrybyndaǵy ǵylymı-praktıkalyq konferentsııada 2017-2018 jyldaryna bekitilgen vedomstvoaralyq jospardyń oryndalýynyń qorytyndysyn shyǵarý, «100 naqty qadam» Ult josparyn iske asyrý boıynsha basqa da is-sharalardy josparlaý, Elbasynyń Joldaýyndaǵy tapsyrmalardy, quqyqtyq qoldaný praktıkasy máselelerin talqylaý boıynsha, medıatsııa ınstıtýty men Bıler soty sııaqty tatýlasý rásimderin damytý, sonymen qatar, basqa da ózekti máseleler.
Memorandýmǵa sáıkes, taraptar oqytýdy uıymdastyrý jáne biliktilikti arttyrý, oblys sottarynda stýdentterdiń óndiristik jáne dıplom aldy tájirıbeden ótýine atsalysýǵa, ǵylymı-tájirıbelik ádebıet jáne aqparat, onyń ishinde sot júıesindegi ózgeristermen jəne jańashyldyqtarmen ózara almasýǵa kelisti.
Memorandýmǵa qol qoıý is-sharasyna oblystyq sottyń sýdıalary jáne Sh.Ýálıhanov atyndaǵy Kókshetaý memlekettik ýnıversıtetiniń professorlyq-oqytýshylyq quramynyń ókilderi qatysty.
Sh.Ýálıhanov atyndaǵy Kókshetaý memlekettik ýnıversıtetiniń rektory Marat Syrlybaev sýdıalar korpýsyna kezdesý úshin alǵys bildirse, fılologııa ǵylymdarynyń kandıdaty Sábıt Jánbek «Rýhanı jańǵyrý» baǵdarlamasynyń negizgi qaǵıdalary týraly baıandama oqyp, qazaq quqyǵy men memleketiniń qurylýy jáne bıler soty ınstıtýty týraly aıtyp berdi.
Ózara áriptestikti jalǵastyrý maqsatynda D.Ámirov sot pen ýnıversıtetke stýdentterdi tarta otyryp quqyq pen memlekettiń tarıhyn tereń zertteý máseleleri boıynsha birlesip jumys atqarýlary qajettigin atap ótip, sonymen qatar qatysýshylarǵa birlesken ózara áriptestikteri úshin alǵys bildirdi.
