Aqmola oblysynda stýdent qyz joǵalyp ketti
KÓKShETAÝ. QazAqparat - Aqmola oblysynda iz-túzsiz joǵalǵan 16 jastaǵy kolledj stýdentine izdeý jarııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 13 qarashada Kókshetaý qalalyq PB kezekshilik bólimine 16 jastaǵy Rasýla Janashevanyń joǵalǵany týraly aqparat túsken.
Joǵalǵan qyz sońǵy ret anasymen 12 qarasha saǵat 16:00-de sóılesken. Odan keıin onyń telefony óshirilgen.
Qurby qyzynyń aıtýynsha, Rasýla óz erkimen elordaǵy ketýi múmkin.
«Qazirgi kezde joǵalǵan qyzdyń týystary men tanystary, sondaı-aq, joǵalǵan kúni kórgen adamdar anyqtaldy. Arnaıy top Aqmola oblysy men Nur-Sultan qalasynda izdestirý sharasyn qolǵa alýda», deıdi vedomstvodan.
Janasheva Rasýla Sergeevna: 160-165 boıy sm. dene bitimi ortasha, shashy qara tústi, qysqa qıylǵan. Erekshe belgileri: Tisinde breket, on qolynyń alaqanynda júrektiń sýreti bar.
Ústine aq kýrtka, qara kúrteshe, qara djınsy, aqshyl tústi etik kıgen.
