Aqmola oblysynda sport sańlaqtary marapattaldy
KÓKShETAÝ. QazAqparat - Aqmola oblysynda Ońtústik Koreıanyń Phenchhan qalasynda ótken 23-shi qysqy Olımpıada oıyndaryna qatysqan jəne túrli halyqaralyq jarystarda jeńis bıiginen kórinip júrgen aqmolalyq sportshylar men jattyqtyrýshylar marapattaldy, dep habarlaıdy QazAqparat tilshisi.
Oblystyq ákimdikte ótken sharaǵa qatysqandardyń arasynda oblystyq dene shynyqtyrý jáne sport basqarmasynyń basshylary, kúres, boks, bıatlon jáne shańǵy sport túrleri boıynsha tanymal sportshylar Alına Raıkova, Roman Eremın, Denıs Volotka, Tımýr Hamıtgatın, Evgenıı Velıchko, Valerııa Tıýleneva, Denıs Petrenko, Móldir Bazarbaeva, Jansaıa Baltabekova, Bekbol Nurlanuly jáne olardyń jattyqtyrýshylary boldy.
Quttyqtaý sóz sóılegen oblys ákiminiń orynbasary baıraqty básekede el namysyn qorǵap, jeńis tuǵyrynan kórinip júrgen aqmoalalyq sport sańlaqtaryna shynaıy alǵysyn bildirdi. Sonymen qosa, oblys əkiminiń syılyǵy jəne plǵys hatymen marapattady.
«Sońǵy jyldary oblysymyzda sportty damytýǵa zor kóńil bólinip keledi. Osynyń arqasynda sportshylarymyz halyqaralyq jarystarda elimizdiń kók baıraǵyn jelbiretýde. Sizder jeńisterińiz bizderdi jigerlendirip, ulttyq rýhymyzdy oıatýda. Sizderdiń sporttaǵy jeńistikterińiz ol Elbasymyzdyń sport salasyna degen qamqorlyǵynyń jáne qoldaýynyń jarqyn nátıjesi», - dedi Aına Mysyrəlimova.
Óz kezeginde sportshylar da osyndaı qurmet kórsetken oblys basshylyǵyna alǵystaryn bildirip, aldaǵy dúbirli dodalarda da el namysyn abyroıymen qorǵaı beretindikterin atap ótti.
