Aqmola oblysynda spartakıada kezinde muǵalim kóz jumdy
KÓKShETAÝ. QazAqparat - Aqmola oblysynda «Muǵalim-2022» aımaqtyq spartakıadasy kezinde muǵalim kóz jumdy, dep habarlaıdy QazAqparat tilshisi.
Kóz jumǵan muǵalim Mamaı aýylyndaǵy orta mektep dırektorynyń 43 jastaǵy oqý-tárbıe jumysy jónindegi orynbasary bolǵan.
Aqmola oblysy bilim basqarmasy baspasóz qyzmetiniń málimetinshe, jarysqa Birjan sal aýdanynyń 10 mektebi qatysty, onyń ishinde Mamaı aýylynyń negizgi orta mektebiniń komandasy da bar. Jarys voleıbol, ústel tennısi, toǵyzqumalaq, shahmat, qossaıys jáne ulttyq sport oıyndary sııaqty sporttyń birneshe túrinen ótti. Kóz jumǵan muǵalimniń sporttyq jarystarǵa qatysýǵa ruqsaty boldy. Osy aımaqtyq spartakıadaǵa qatysý ótinimine sáıkes voleıbol jáne ústel tennısi boıynsha komanda quramyna qabyldandy.
«Voleıbol oıyny barysynda ol ózin jaısyz sezinip, alań syrtyna shyǵyp oryndyqqa otyrdy. Biraz ýaqyttan keıin qulap, esinen tanyp qaldy. Oǵan medıtsına qyzmetkeri alǵashqy medıtsınalyq kómek kórsetti», - dedi vedomstvodan.
