Aqmola oblysynda sottalýshynyń ólimine baılanysty tergeý júrgizilýde
KÓKShETAÝ. QazAqparat - Aqmola oblysynda abaqtyda jazasyn ótep jatqan sottalýshynyń ólimine qatysty qylmystyq is qozǵalyp, tergeý amaldary júrgizilýde, dep habarlaıdy QazAqparat tilshisi.
Eske sala keteıik, jaqynda Atbasar aýdandyq aýrýhanasynda Atbasar qalasyndaǵy ETs 166/4 túzetý mekemesinde jazasyn ótep jatqan 30 jastaǵy sottalýshynyń dene jaraqtynan kóz jumǵany týraly aqparat taraǵan bolatyn. Aqmola oblysy boıynsha qylmystyq-atqarý departamentiniń baspasóz hatshysy Irına Gornova atalmysh túzetý mekmesinde jazasyn ótep jatqan azamattyń aǵymdaǵy jyldyń 3 aqpanynda Atbasar aýdandyq aýrýhanasynda kóz jumǵanyn rastady.
«Qıatys bolǵan adam Aqmola oblysynyń turǵyny. Atbasar qalasyndaǵy ETs 166/4 túzetý mekemesinde jazasyn ótep jatqan bolatyn. Qazirgi kezde, osy oqıǵaǵa baılanysty qylmystyq is qozǵalyp, sot-medıtsınalyq saraptama taǵaıyndaldy. Oqıǵanyń anyq-qanyǵy keıin belgili bolady», dep túsindirdi Irına Gornova.
