Aqmola oblysynda sottalýshynyń asqazanynan uıaly telefon tabyldy
KÓKShETAÝ. QazAqparat - Aqmola oblysynda kolonııada jazasyn ótep jatqan sottalýshynyń asqazanynan uıaly telefon tabyldy, dep habarlaıdy QazAqparat tilshisi Aqmola oblysy boıynsha Qylmystyq atqarý júıesi departamentiniń baspasóz qyzmetine silteme jasap.
Vedomstvonyń málimetinshe, bılik ókiline qatysty qylmystyq áreketteri úshin sottalyp, Aqmola oblysy boıynsha Qylmystyq atqarý júıesi departamentiniń ETs-166/18 mekemesine jetkizilgen Jambyl oblysynyń 36 jastaǵy turǵynynan rentgen-jabdyqtar arqyly ótý kezinde tyıym salynǵan zat bar ekeni anyqtaldy. Sottalýshy uıaly telefon qaltasynda emes, asqazanynda ekenin aıtty.
«Rentgen sottalýshynyń asqazanynda uzyndyǵy 6 sm «Nokia» telefonynan basqa, qoldanystaǵy SIM kartasy da bar ekenin kórsetti. Qazirgi kezde, osyǵan baılanysty sotqa deıingi tergeý sharalary júrgizilýde», - dep málim etti vedomstvonyń baspasóz hatshysy Irına Gornova.
