Aqmola oblysynda sottalǵandarǵa kolledjdiń qyzyl dıplomdary tapsyryldy
KÓKShETAÝ. QazAqparat - Aqmola oblysynyń kolonııasynda kásibı kolledj túlekterine dıplomdar tapsyryldy, dep habarlaıdy QazAqparat tilshisi.
Oblystyq Qylmystyq-atqarý júıesi departamentiniń baspasóz qyzmetinen málim etkendeı, kásiptik oqytý – sottalǵandardy qaıta áleýmettendirýdiń, olardy bostandyqtaǵy ómirge daıyndaýdyń mańyzdy baǵyttardyń biri.
Jyl saıyn Aqmola oblysy boıynsha QAJ departamentiniń mekemelerinen 200-den astam adam kásibı kolledjderge oqýǵa qabyldanady, al oblysta kolledjder sany – úsheý.
ETs-166/4 qaýipsizdigi barynsha joǵary mekemesinen jyl saıyn 90-ǵa jýyq sottalǵan oqıdy. Olar «Tiginshi – ámbebap», «Tokar-ámbebap», «Gazelektrdánekerleýshi», «Avtojóndeýshi», «Elektrık-jóndeýshi», «Aspazshy» sııaqty 6 jumysshy mamandyǵy boıynsha bilim alady.
25 maýsym kúni memlekettik emtıhandardy tapsyrǵannan keıin kolonııanyń platsynda bilim týraly dıplomdardy tapsyrý saltanaty ótti.
«Bizdiń stýdentter memlekettik emtıhandardy sátti tapsyrdy. Bıyl stýdentter Igor Dýbrovskıı men Murat Makentaev «Dánekerleýshi« jáne «Tokar« biliktiligimen qyzyl dıplomdar aldy. Bul adamdar karantındik shekteýlerge qaramastan jyl boıy aıanbaı eńbek etip, emtıhandardy óte jaqsy tapsyrdy», - dedi «Atbasar qalasynyń agrarlyq-ındýstrııalyq kolledji» bóliminiń meńgerýshisi Sergeı Batsıı.
Kolonııa basshysynyń orynbasary Jeńis Ybraev oqý jylynyń aıaqtalýymen pedagogter men túlekterdi quttyqtady.
«Ákimshilik atynan jáne jeke óz atymnan muǵalimderdiń eńbegi men kórsetken qoldaýlary úshin alǵys aıtqym keledi, Sizder óz oqýshylaryńyzǵa tek bilim berip qana qoımaı, ómirlik tájirbıelerińizben bólisip, negizgi ómirlik prıntsıpter men erejelerdi úıretesizder», - dedi ol.
Sonymen birge, «Agrarlyq-ındýstrııalyq kolledj» dırektory Vladımır Lýkın 2020-2021 oqý jylynyń qorytyndysyn shyǵaryp, oblystyq QAJD vedomstvosynyń basshysyna alǵys bildirdi.
Aıta keteıik, bıyl barlyǵy 82 sottalǵan azamat oqýdy aıaqtap, dıplom aldy, olardyń ishinde ekeýi – úzdik dıplom.
