Aqmola oblysynda sottalǵandar týberkýlezdiń aldyn alý jáne onymen kúres eriktileri boldy
ASTANA. QazAqparat - Túzeý mekemelerinde týberkýlezdiń aldyn alý jáne boldyrmaý baǵytyndaǵy jumysty jandandyrý aıasynda Aqmola oblysynyń Zavodskoı kentindegi ETs-166/18 mekemesinde qatań rejimde jazasyn ótep júrgender úshin arnaıy oqytý semınary ótti.
Bul týraly Aqmola oblysy boıynsha QAJ departamentinen habarlady.
«Qazirgi ýaqytta Aqmola oblysynyń túzeý mekemelerinde qamaý oryndarynan bosatylatyn tulǵalarǵa týberkýlezge qarsy kómek boıynsha joba iske asyrylýda. Atalmysh jobany oryndaý aıasynda «Úmit nury» atty adam quqyqtaryn qorǵaý jáne týberkýlezben kúres qoǵamdyq qorynyń dırektory Lıýbov Rýbejanskaıa men Q.Qurmanbaev atyndaǵy Aqmola oblystyq týberkýlezge qarsy dıspanserdiń sarapshysy, bas dárigerdiń orynbasary Jazıra Nysanbekova sottalýshylardy oqytý sharalaryn júrgizdi», - dep atap ótti ETs-166/18 mekemesindegi jasaq bastyǵy Jandos Salyqov.
«Oqytý nátıjesinde 25 sottalýshyǵa aqparattyq eriktiler sertıfıkattary berildi», dep qosyp ótti J.Salyqov.
