Aqmola oblysynda əsker qataryna alynǵan 218 sarbaz ant qabyldady
KÓKShETAÝ. QazAqparat - Aqmola oblysynyń Derjavınsk qalasyndaǵy QR Ulttyq ulany «Ortalyq» óńirlik qolbasshylyǵyna qarasty 6636 áskerı bólimine áskerı boryshyn óteýge kelgen 218 sarbazdan saltanatty túrde ant qabyldaý rəsimi ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.
Sharaǵa «Ortalyq» óńirlik qolbasshysynyń orynbasary polkovnık Altynbek Júsipov, Jarqaıyń aýdany ákiminiń orynbasary Gúljan Nurmaǵambetova jəne sarbazdardyń ata-analary men jaqyn týystary qatysty.
«...Áskerı ómir qanshalyqty qıyn bolǵanymen, jarǵymen belgilengen talaptardy oryndaý - paryz jáne qasıetti mindet. Sizderdiń mindetterińiz - ózderińizge júktelgen tapsyrmalardy jaýapkershilikpen oryndaý. Týǵan jerimizge ter tógip, antqa adal bolý», - dep atap ótti quttyqtaý sózinde 6636 áskerı bóliminiń komandıri podpolkovnık Baýyrjan Baryshev.
Eske sala keteıik, Derjavınsk qalasynda ornalasqan 6636 áskerı bóliminiń 2-atqyshtar batalony 2011 jyly qurylǵan bolatyn. 2013 jyldan bastap, jas sarbazdarmen tolyqtyryla bastady. Buǵan deıin bir merzimde tek qana 50-60 qabyldanatyn bolsa, bıylǵy jyldan bastap, sarbazdar sany ulǵaıdy. Áskerı bólimniń mindeti túzetý mekemelerin kúzetý, baqylaý jáne tutqyndardyń mekemege jetkizilýin qamtamasyz etý bolyp tabylady.
