Aqmola oblysynda sırek kezdesetin syrqatqa shaldyqqan balalarǵa kómek kórsetilýde
KÓKShETAÝ. QazAqparat - Aqmola oblysynda sırek kezdesetin aýrýmen naýqastanǵan balalarǵa qajetti qymbat medıtsınalyq preparattar satyp alý boıynsha kómek kórsetilýde, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimeti boıynsha, vedomstvo məslıhattyń kezekten tys sessııasynda «Hýmıra» dárilik preparatyn satyp alý úshin bıýdjetten qarjy bólý məselesin kótergen. Atalmysh preparat óte qymbat jəne elimizde kepildendirilgen tegin medıtsınalyq kómek kórsetýdegi dəri-dərmekterdiń tizimine engizilmegen. Bul preparat sırek kezdesetin ıývenıldi ıdıopattyq artrıtpen naýqastanǵan balalar úshin aýadaı qajet. Qazirgi kezde, Aqmola oblysynda 6 bala osyndaı aýrýmen aýyrady.
«2016 jyly oblystyq densaýlyq saqtaý basqarmasynyń kómegimen sırek kezdesetin aýrýmen naýqas 6 alty balaǵa «Hýmıra», «Aktemra» preparattaryn satyp alýlary úshin jergilikti bıýdjetten 15 mıllıon teńge qarjy bólingen. Bul baǵyttaǵy jumystar odan ári jalǵasýda. Jaqynda vedomstvo məslıhattyń kezekten tys sessııasynda «Hýmıra» dárilik preparatyn satyp alý úshin bıýdjetten qarjy bólý məselesin kóterdi», dep atap ótti oblystyq densaýlyq saqtaý basqarmasy basshysynyń orynbasary Bıbigúl Imanqulova.
