Aqmola oblysynda Sibir eligin atyp alǵan brakoner ustaldy
Vedomstvonyń málimetinshe, bıylǵy jylǵy qarashanyń 14-da «Nur-Sultan-Petropavl» avtojolynyń 291 shaqyrymynda «Qaýipsiz jol» jedel-aldyn alý is-sharasyn júrgizý sheńberinde «Tulpar-10» Aqmola oblysy PD patrýldik polıtsııa batalonynyń jasaǵy, aǵa leıtenant Altynbek Nakenov pen leıtenant Aıbek Baltabekov «Toyota» avtokóligin toqtatty.
Nur-Sultan qalasynyń 37 jastaǵy turǵyny basqarǵan kóliktiń salonyn tekserý kezinde eliktiń 1 ushasy, tegis uńǵyly úsh myltyq tabyldy. Bul rette júrgizýshi men onyń 36 jastaǵy jolaýshysynda elik atýǵa qandaı da bir ruqsat qujattary bolmaǵan.
«Bul jaǵdaı Qylmystyq kodekstiń 337-shi babynyń «Zańsyz ańshylyq» boıynsha sotqa deıingi tergeýdiń biryńǵaı tizilimine engizildi. Janýarlardyń túri men jasyn anyqtaý úshin sot-bıologııalyq saraptama taǵaıyndaldy. Qazirgi ýaqytta is boıynsha istiń barlyq mán-jaılaryn obektıvti tekserýge baǵyttalǵan barlyq qajetti tergeý áreketteri júrgizilýde», - ded vedomstvodan.