Aqmola oblysynda sibir eligin atqan brakonerler ustaldy
KÓKShETAÝ. QazAqparat - Aqmola oblysynda sibir eligin atyp alǵan brakonerler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2020 jylǵy qańtardyń 24-de júrgizilgen reıd kezinde Sandyqtaý aýdandyq PB tabıǵatty qorǵaý polıtsııasy bóliminiń qyzmetkerleri Novonıkolsk aýylyna jaqyn mańda elik atý áreketinen habar beretin izdi baıqaǵan.
«Brakonerler qaldyrǵan shańǵynyń izi men qarǵa aqqan ańnyń qany polıtseılerdi jergilikti turǵynnyń úıine alyp keldi. Úıdi tekserý kezinde tártip saqshylary sibir eliginiń eti men terisin tárkiledi. Bul is QR QK 337 babynyń 1 bóligi boıynsha (zańsyz ań aýlaý) sotqa deıingi tergeýdiń biryńǵaı tizilimine alyndy.
