Aqmola oblysynda shujyq tsehy ashyldy

KÓKShETAÝ. QazAqparat - Aqmola oblysy elimizdegi aýyl sharýashylyǵy damyǵan óńirlerdyń biri sanalady. Munda aýyl sharýashylyǵynyń jalpy óniminiń úlesi 10 paıyzdy quraıdy. Oblysta eginshilikpen qatar mal sharýashylyǵyn damytýǵa da kóńil bólinýde. Sonyń arqasynda jyl saıyn salada ónim óndirisi de ósip keledi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýyl sharýashylyǵy jáne jer qatynastary basqarmasynyń málimetinshe, óńirdiń ár aýdanynda et jáne sút fermalaryn ashý boıynsha nátıjeli jumystar atqarylýda. Oblysta 6,4 myń basqa arnalǵan 125 et fermasy jáne 2,3 myń basqa arnalǵan 19 sút-taýar fermasy ashyldy. Bul respýblıka boıynsha úzdik kórsetkish bolyp tabylatyn óndiristiń 11,6 paıyzǵa ósýine qol jetkizýge múmkindik berdi.

Bıyl agroónerkásiptik keshendegi ósim mal sharýashylyǵy men ósimdik sharýashylyǵy ónimderin jedel damytý esebinen qamtamasyz etiledi. Shamamen 7 myń iri qara mal basyn satyp ala otyryp, 104 et jáne 11 sút-taýar fermasy qurylatyn bolady.

Jaqynda Ereımentaý aýdanynda shujyq ónimderi men jartylaı fabrıkattar shyǵaratyn tseh ashyldy.

«Bul jobany iske asyrý halyqtyń ekonomıkalyq belsendiligine serpin beredi. Óıtkeni ónimder Ereımentaý qalasynan Elordaǵa jáne jaqyn mańdaǵy eldi mekenderge eksporttalatyn bolady», - dep atap tsehtyń ashylýy qatysqan aýdan ákimi Abaı Áljanov.

Kásipker Ánýarbek Báımenovtiń sózinshe, shujyq tsehynyń qýaty 60 tonna ónim jáne 6 tonna jartylaı fabrıkat shyǵarýǵa múmkindik beredi.

«Atap aıtqanda, et, un, jumyrtqa, kókónister jáne basqa ıngredıentter jergilikti óndirýshilerden satyp alynady. Bul usynys dınamıkasyna oń áser etedi jáne aýdannyń aýyl sharýashylyǵy salasy úshin mýltıplıkatıvti áser beredi», - dep bólisti Ánýarbek Baımenov.

Kásiporyn basshylyǵy elordanyń azyq-túlik beldeýiniń aımaǵyna kirý jáne óndiristi keńeıtýdi josparlap otyr.