Aqmola oblysynda shomylý maýsymy kezinde 32 adam sýǵa batyp ketken
KÓKShETAÝ. QazAqparat - Aqmola oblysy TJD bastyǵynyń mindetin atqarýshy Qanat Dospaev jýrnalıstermen ótken brıfıngte óńirde shomylý maýsymynyń qorytyndysyn shyǵardy, dep habarlaıdy QazAqparat tilshisi.
Departament basshysynyń orynbasary aıtýynsha, sýǵa shomylý maýsymy bastalǵannan beri júrgizilgen aldyn alý jumystaryna qaramastan qutqarýshylar 80 adamnyń ómirine arasha túsken, onyń ishinde 11 bala. Sonymen birge, 32 adam ajal qushsa, onyń 7-i kámeletke tolmaǵandar.
«Jyl saıyn shomylý maýsymy bastalǵanǵa deıin ruqsat etilmegen jerlerde tyıym salynǵan belgiler ornatylady, biraq qala turǵyndary ony elemeı, óz ómirlerine qaýip tóndiredi. Sýda adamdardyń qaza bolýymen tirkelgen oqıǵalardyń negizgi sany demalys jáne mereke kúnderine keledi, onda 20 adam qaza boldy, jalpy sanynyń 62 paıyzyn quraıdy», - deıdi Qanat Dospaev.
Departament basshysynyń orynbasary atap ótkendeı, shomylý maýsymy aıaqtalǵanyna qaramastan, departament sý aıdyndarynda adam óliminiń aldyn alý boıynsha profılaktıkalyq jumysty jalǵastyratyn bolady.
«Sonymen birge, kúzgi kezeńniń bastalýymen ań aýlaý jáne balyq aýlaý maýsymy bastalady. Osyǵan baılanysty sý qoımalarynda balyq jáne ań aýlaý kezindegi qaýipsizdik jónindegi negizgi erejelerdi jetkizgim keledi. - Sýdyń shetine jaqyndaǵanda abaı bolý kerek. Jaǵalaýdan kútpegen jerden qulap ketýi múmkin», - dep túıindedi deıdi Qanat Dospaev.
