Aqmola oblysynda shirkeýden aqsha men kúmis urlandy
KÓKShETAÝ. QazAqparat – Aqmola polıtseıleri shirkeýden aqsha men kúmis buıymdardyń urlaný faktisin tirkedi, dep habarlaıdy QazAqparat tilshisi.
Aımaqtyq polıtsııa departamenti baspasóz qyzmetiniń málimetinshe, 31 qańtar kúni Sandyqtaý aýdandyq polıtsııa bóliminiń kezekshi bólimine Shańtóbe aýylyndaǵy Panteleımon shirkeýiniń din qyzmetshisinen shaǵym túsken. Onyń aıýynsha, belgisiz adamdar shirkeýdiń tereze jaqtaýyn syndyryp, aqsha men kúmis buıymdar saqtalǵan seıfti urlap ketken. Jalpy shyǵyn - 700 myń teńge.
«Polıtseıler jedel-izdestirý sharalaryn júrgizip, eki kúdiktini ustady. Olar - 29 jáne 30 jastaǵy jergilikti turǵyndar. Tintý barysynda aýyl adamdarynan urlanǵan buıymdar men aqshanyń jartysy tabyldy», - dedi polıtsııadaǵylar.
Osy fakti boıynsha QR QK 188 bap, 3-tarmaǵy boıynsha sotqa deıingi tergeý júrgizilip jatyr. Kúdiktiler ýaqytsha qamaý ızolıatoryna qamaldy.
Avtor: Oksana Matasova
