Aqmola oblysynda shetelden kelip, din ýaǵyzdap júrgen 29 mıssıoner bar
«Oblysta 190 tirkelgen dinı birlestik jumys isteıdi. Onyń ishinde: 90 - ıslam, 46 - pravoslavtyq, 41 - protestant, 11 - katolıktik baǵyttaǵy, 1 - Bahaı dini jáne 1 - Aqmola oblysynyń Krıshna Sana qoǵamy. Jalpy dinı nysandar sany – 152. Onyń 89-y meshit, 29-y pravoslavtyq shirkeý, 12-i katolık shirkeýi jáne 22 protestanttyq duǵa úıleri», - dep jazylǵan ákimdik usynǵan derekte.
Jergilikti quzyrly organnyń málimetine saı, aımaqta ýaǵyz júrgizetin 29 mıssıoner bar.
Onyń ishinde 19 adam - Polsha, 5 - Fılıppın, 1 - Qazaqstan, 1 - Reseı, 1 - Germanııa, 1 - Shveıtsarııa jáne bir Italııa azamaty bar.
«Barlyq 29 mıssıoner katolıtsızmdi ýaǵyzdaıdy. Jyl basynan beri mıssıonerlerdi tirkeý, kýálik berý boıynsha 7 memlekettik qyzmet kórsetildi», - delingen ákimdik habarlamasynda.
