Aqmola oblysynda sharýashylyq basshysynyń baýyry jumysshyny uryp óltirdi
KÓKShETAÝ. QazAqparat - Aqmola oblysynda jumysshyny uryp óltirgen sharýa qojalyǵy basshysynyń baýyry ustaldy, dep habarlaıdy QazAqparat tilshisi.
Aqmola oblystyq ІІD-niń málimetinshe, Býrabaı aýdanynyń Jarqaıyń aýlynyń mańynda avtobýs aıaldamasynan túrli dene jaraqattary bar er adamnyń denesi tabyldy. Tergeý barysynda onyń Soltústik Qazaqstan oblysy Taıynsha aýdanynyń 49 jastaǵy turyǵyn ekeni anyqtaldy.
«Jedel izdestirý sharasy kezinde marqumnyń Jarqaıyń aýylyndaǵy sharýa qojalyqtarynyń birinde jumys istegeni belgili boldy. Ony kýágerler rastady. Keıin kúdikti de ustaldy. Kúdikti osy sharýa qojalyǵy basshysynyń 40 jastaǵy týysy bolyp shyqty. Tergeý barysynda anyqtalǵandaı kúdikti er adamdy urlyq jasaǵany úshin sabaǵan kórinedi. Artynsha, sharýa qojalyǵy basshynyń uly ekeýi ony aýyl syrtyndaǵy aıaldamdaǵa aparyp tastaǵan», dep túsindirdi baspasóz qyzmetindegiler.
Qazirgi kezde osy oqıǵaǵa baılanysty QR QK-niń 106-baby 3-bóligi boıynsha sotqa deıingi tergep-tekserý jumystary júrgizilip jatyr. Kúdikti ýaqytsha ustaý oqshaýlaǵyshyna toǵytyldy.
Foto: choiz.me
