Aqmola oblysynda shańǵy jarysynan oblys birinshiligi ótti
KÓKShETAÝ. QazAqparat - Aqmola oblysynda shańǵy jarysynan oblys birinshiligi ótti, dep habarlaıdy «QazAqparat» HAA tilshisi oblystyq deneshynyqtyrý jáne sport basqarmasynyń baspasóz qyzmetine silteme jasap.
Jarystyń alǵashqy kúni shańǵy jolyna oblystyń 6 aýdanynan kelgen 125 sportshy qatysyp, klassıkalyq ádis boıynsha kúsh synady. Ásirese, balǵyndar arasynda ótken saıys tartysty ótti.
Oq boıy kósh bastap kelgen jarqaıyńdyq Álisher Kinýárbek sońǵy sátterde kókshetaýlyq Daýt Talaspaıǵa 4 sekýnd ese jiberip aldy.
Al, ekinshi kúni báseke erkin ádis boıynsha şýchelik Dmıtrıı Kolomeıts pen kókshetaýlyq Rýslan Joldaspaevtyń arasynda órbidi. Márege qatar jetken ekeýiniń ishinde Dmıtrıı sál basym túsip, qarsylasynan jeńisti julyp áketti.
Sondaı-aq, kishi orta jastaǵy balǵyndar arasynda şýchelik Vadım Kýrales, eresek jastaǵy balǵyndar arasynda shýchelik Grıdın Nıkıta, kishi jastaǵy balǵyndar arasynda taǵy bir şýchelik Ivan Gorbenko jáne jastar arasynda sandyqtaýlyq Fedor Karpov jeńimpaz atandy.
Eresek jáne orta jastaǵy jasóspirim qyzdar arasynda kókshetaýlyq Ekaterına Kıhtenko men sandyqtaýlyq Alına Skrıpkına aldyna jan salmady. Kishi jastaǵy qyzdar arasynda şýchelik Vıktorııa Shırıaevany sońǵy sekýndtarda basyp ozǵan sandyqtaýlyq Ýlıana Dontsova jeńis tuǵyryna kóterildi.
Jarys uldar men qyzdar arasyndaǵy komandalyq estafetamen qorytyndylandy. Jalpy, komandalyq esep boıynsha 882 upaı jınaǵan Şýche komandasy jeńimpaz atansa, júldeli ekinshi jáne úshinshi oryndardy Kókshetaý jáne Sandyqtaý qurama komandalary ózara bólisti. 
