Aqmola oblysynda shańǵy maýsymynyń alǵashqy jarysyna 200 sportshy jınaldy
KÓKShETAÝ. QazAqparat - Aqmola oblysynda shańǵy jarysynan qysqy sporttyq maýsymy ashyldy, dep habarlaıdy QazAqparat tilshisi
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha 2017-2018 jylǵy maýsymnyń ashylýyna Astana qalasy, Soltústik Qazaqstan, Qostanaı jáne Aqmola oblystarynan jınalǵan 200-ge jýyq shańǵyshy qatysty.
Maýsymnyń ashylýynda №2 olımpıada rezervin daıyndaıtyn balalar men jasóspirimderdiń mamandandyrylǵan sport mektebiniń dırektory Jánibek Eńsegenov qutyqtaý sóz sóılep, shańǵyshylarǵa jarys jolynda sáttilik tiledi.
«Barshańyzdy qysqy maýsymnyń ashylýymen quttyqtaımyn. Jarys jolynda shıraq qımyldap, jeńis tuǵyrynan kórinýlerińizge shynaıy tilektestigimdi beldiremin», - dedi J.Eńsegenov.
Şýchınsk qalasyndaǵy «Bereznıak» shańǵy jolyna shyqqan sportshylar jas erekshelikteri boıynsha belgilengen qashyqtyqty shańǵymen syrǵanap ótti.
Jarys qorytyndysy boıynsha jeńimpazdar arnaıy dıplom, kýbok jáne medaldarmen marapattaldy.
Eske sala keteıik, Şýchınsk qalasy álemdik deńgeıdegi shańǵyshylardy daıarlaıtyn ortalyq bolyp sanalady. Şańǵy jarysynan Qazaqstandyq tuńǵysh olımpıada chempıony Vladımır Smırnov ta osy Şýchınsk qalasynda týǵan.
