Aqmola oblysynda shahtaǵa zańsyz túsip, altyn óndirmek bolǵandar anyqtaldy

KÓKShETAÝ. QazAqparat - Aqmola oblysynyń polıtseıleri Bestóbe kentindegi jumys istemeıtin shahtalarǵa zańsyz kirý deregin anyqtady, dep habarlaıdy QazAqparat.

Bestóbe kentiniń aýmaǵynda jedel-izdestirý is-sharalaryn júrgizý kezinde Aqmola oblysy polıtsııa departamenti uıymdasqan qylmysqa qarsy kúres basqarmasynyń qyzmetkerleri jergilikti turǵyndardyń biriniń aýlasynda shahtanyń tómengi kókjıekterine kirýge arnalǵan oryndy anyqtady.

«Halyq arasynda «qubyr» dep atalatyn qupııa jerdi aýyl turǵyny óz úıiniń aýlasynda beton plıtamen jáne qolda bar materıaldarmen jasyrǵan.

Jer qoınaýyn óz betinshe paıdalaný jáne quramynda altyn bar kendi zańsyz óndirý faktilerin boldyrmaý, eń bastysy zańsyz ken izdeýshilermen shahtalardyń tómengi kókjıekterine túsý kezinde jazataıym oqıǵalardyń aldyn alý maqsatynda bul joldy joıý týraly sheshim qabyldandy», - dep jazdy aımaqtaǵy polıtsııa departamentinen.