Aqmola oblysynda shahtada topyraq basyp qalǵan eki jumysshy qutqaryldy
KÓKShETAÝ. QazAqparat - Aqmola oblysynda shahtada topyraq úıindisiniń astynda qalǵan eki jumysshy qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, oqıǵa aqpannyń 04-de Astrahan aýdanyndaǵy «Aına – resýrs» JShS shahtasynda oryn alǵan. Bul týraly saǵat 03:02 Astrahanka aýylynyń 19-ÓSB baılanys pýnktine Aqbeıit aýylynda tótenshe jaǵdaıǵa tap bolǵan adamdardy qutqarý jáne evakýatsııalaý úshin kómek qajet ekendigi týraly habar tústi.
«Qutqarýshylar «TREKOL VEGA» jol talǵamaıtyn kóligimen shaqyrý ornyna jiberildi. 1991 jáne 1990 jylǵy eki er adam 100 metr tereńdikte aýyr halde boldy, olardy shahtadan basqa kenshiler alyp shyqty jáne qutqarýshylar kelgenge deıin alǵashqy medıtsınalyq kómek kórsetti. Meteorologııalyq jaǵdaıdyń nasharlyǵyna baılanysty jedel járdem kóligi zardap shekkenderge jete almady. Qutqarýshylar tótenshe jaǵdaı ornyna dárigerlermen birge shyǵyp, zardap shekkenderdi aýrýhanaǵa evakýatsııalady», - dedi Astrahan aýdanynyń TJB bastyǵy Aıat Seralıev.
