Aqmola oblysynda sertıfıkatsyz temeki satqan turǵyn ustaldy

ASTANA. QazAqparat - Aqmola oblysynyń turǵyny tıisti qujatsyz jáne sertıfıkatsyz temeki satýmen aınalysqan, dep habarlaıdy QazAqparat Qarjy monıtornıgi agenttiginiń baspasóz qyzmetine silteme jasap.

QR Qarjy monıtorıngi agenttiginiń baspasóz málimetterine qaraǵanda, ustalǵan adam temeki ónimderin Aqmola oblysynyń aýmaǵynda saýdalaǵan.

Máselen, bıyl naýryz-maýsym aılary aralyǵynda R.E. Gúlıev degen azamat taýardyń sapasy men shyǵý tegin rastaıtyn qujattarsyz temeki ónimin satyp alyp, ony Astanada «Ámir» bazarynyń aýmaǵynda, konteınerde saqtaǵan. Ol Aqmola oblysynyń Aqkól qalasynda jalpy somasy 775 000 teńgeniń taýaryn satyp úlgergen.

Kontrafaktili temeki buıymdary salynǵan avtokólik taýardy Astanadan Ereımentaý qalasyna deıin tasymaldaý kezinde ustaldy, jospar boıynsha ony bólshek saýda dúkenderi arqyly ótkizbek bolǵan.

Kólik quralyn tekserý barysynda jalpy sany 34 500 qorap temeki buıymdary tabylyp, tárkilendi.

Óńirlik MKD qorytyndysyna sáıkes, tárkilengen 37 150 qorap aktsızdelýge tıis temeki ónimderiniń jalpy quny 22 mln teńgege jýyq somany quraıdy.

«Sot úkimimen R. E. Gýlıevke 1 jyl bas bostandyǵyn shekteý túrindegi jaza taǵaıyndaldy»,-delingen habarlamada.

Vıdeodan alynǵan kadr/t.me/afm_rk