Aqmola oblysynda «Serpin» baǵdarlamasymen túrkistandyq 68 jas bilim alýda
KÓKShETAÝ. QazAqparat - «Túrkistan-Petropavl-Qostanaı-Kókshetaý» aqparattyq týrynyń sońǵy beketi - Aqmola oblysy bolǵandyqtan, túrkistandyq delegatsııa Býrabaı, Zerendi jerin aralap, oblys ortalyǵy - Kókshetaý qalasyna sapar jasady, dep habarlaıdy QazAqparat Túrkistan oblysy óńirlik kommýnıkatsııa qyzmetine silteme jasap.
Munda qazirgi tańda Túrkistan óńirinen 2018-19 jyldary 68 jas «Serpin» baǵdarlamasymen oqýǵa túsken.
Jalpy, 2018-2019 oqý jylynda Aqmola oblysynda «Serpin-2050» baǵdarlamasy boıynsha 1746 stýdent bilim alýda. Onyń ishinde Sh. Ýálıhanov atyndaǵy Kókshetaý memlekettik ýnıversıtetinde -1356, kolledjderde - 390 azamat oqý oqyp júr.
Sonyń biri - 2017-2018 j. «Jas Otan» Jastar qanaty bóliminiń «Úzdik basshysy» nomınatsııasyn jeńip alǵan Qurmanbek Ádilet. Kentaý qalasynyń týmasy EKSPO-2017 Halyqaralyq kórmesinde erikti bolyp qyzmet etken. Qazirgi tańda Aqmola oblysynyń jas belsendileriniń biri. Ádilet sekildi Túrkistan óńirinen kelip, túrli respýblıkalyq, oblystyq sharalarǵa qatysyp júrgen jastar óte kóp.
Sondaı-aq bilimdi jastar ómirimen tanysqan BAQ ókilderimen Aqmola oblysy ishki saıasat basqarmasynyń basshysy Ǵalym Shoıkın arnaıy kezdesip, qonaqtarǵa «Jer jánnaty - Aqmola» tanymdyq kitabyn syılap, sát sapar tiledi.
