Aqmola oblysynda saıası qýǵyn-súrgin qurbandaryna turǵyzylǵan 7 eskertkish bar
Onyń aıtýynsha, bul eskertkishterdiń tarıhı máni zor. Jelkildep ósip kele jatqan keıingi jas urpaqqa talaıly taǵdyrdan, halqymyzdyń qasiret shekken zulmat jyldarynan syr shertý mańyzdy is. Qazirgi tańda Aqmola oblysynda barlyǵy 1793 tarıhı eskertkish bar. Sonyń 7-eýi saıası qýǵyn-súrgin qurbany bolǵan jandarǵa arnalǵan.
«7 eskertkishtiń úsheýi Astrahan aýdanynda, Birjan sal, Egindikól, Sandyqtaý aýdandarynda bir-birden, sondaı-aq taǵy bireýi Kókshetaý qalasynan Şýche qalasyna shyǵar bette avtojol boıynda ornalasqan. Bulardan bólek, «Otanyn satqandardyń» əıelderiniń Aqmola lagerinde merzimin ótegen 62 ulttyń əıelderiniń rýhyna arnalǵan «ALJIR» memorıaldy-murajaı kesheni bar. Bul postkeńestik memleketterde ǵana emes, barlyq əlemde jalǵyz biregeı eskertkish bolyp tabylady. «ALJIR»-de bir mezgilde 8 myńǵa jýyq əıel otyrǵan. Olardyń ishinde kóbi orystar - 4390, evreıler - 855, ýkraındar - 740 jəne 87 qazaq əıelderi boldy. Sonymen qatar lagerde nemis, frantsýz, shved, japon, norvej, avstrııalyq, polıak, grýzın, armıan, əzerbaıjan, latysh jəne taǵy basqa ulttyń əıelderi jazasyn ótegen», - deıdi Serik Ysqaqov.
Derekterge súıensek, «ALJIR»-de 600-ge jýyq əıel qaıtys bolǵan. Biraq bul san áli naqtylanýda.
«Negizinen tutqyndalǵandar odaqqa tanymal saıası jəne qoǵam qaıratkerleriniń əıelderi: Əzıza Rysqulova jəne onyń anasy Arıfa Esenǵulova, Dəmesh Júrgenova, Rabıǵa Asfandııarova, ənshi Lıdııa Rýslanova, jazýshy Galına Serebrıakova, atylyp ketken marshal Týhachevskııdiń əýletiniń əıelderi, jazýshy Borıs Pılnıaktyń əıeli Kıra Andronnıkoshvılı, ıÝrıı Trıfonovtyń əıeli Evgenııa Lýre, Býlat Okýdjava men Maııa Plısetskaıanyń da analary boldy. Búginde «ALJIR» memorıaldy-murajaıynyń qorynda on bes myńǵa jýyq jədiger saqtalǵan», - dep sózin túıindedi ol.
