Aqmola oblysynda sarbaz qaraýyl beketinde ózin-ózi atyp óltirgen
KÓKShETAÝ. QazAqparat - Aqmola oblysynyń Stepnogorsk qalasynda áskerı boryshyn jedel ótep jatqan sarbaz qaraýyl beketinde atylyp qaldy, dep habarlaıdy QazAqparat tilshisi.
QR Ulttyq ulan gvardııasy «Ortalyq» óńirlik qolbasshylyǵynyń deregi boıynsha, tamyzdyń 18-i kúni tańǵy saǵat 7:25 qatardaǵy jaýynger Roman Danııaev túzetý mekemesin kúzetý kezinde ózine bekitilgen qarýdan basynan atylyp qaldy. Ol sol jerde jan tásilim etti. 21 jastaǵy jedel áskerı qyzmetker Qaraǵandy oblysynan ásker qataryna shaqyrtylǵan.
«Qyzmetti terrgeý taǵaıyndalyp, onyń mundaı qadamǵa barý sebebi anyqtalýda. «Ortalyq» óńirlik qolbasshylyǵy jáne 3517 áskerı bólim qatardaǵy jaýynger Roman Danııaevtyń týystaryna kóńil aıtady», dep túsindirdi QR Ulttyq ulan gvardııasy «Ortalyq» óńirlik qolbasshylyǵynyń baspasóz qyzmetiniń jetekshisi Qanat Dos.
Onyń aıtýyna qaraǵanda, qaza bolǵan jaýyngerdiń ata-anasyna birden habar berilip, denesi týǵan jerine jetkizildi. Keshe ony aqtyq saparǵa shyǵaryp saldy.
