Aqmola oblysynda «salafıt» jigit óz úıin tonaǵan
STEPNOGOR. QazAqparat - Aqmola oblysynda óz úıinen altyn buıymdar urlaǵan «salafıt» jigit ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Stepnogor qalalyq polıtsııa bólimine jergilikti turǵyn habarlasyp, úıinen eki altyn júziktiń joǵalǵanyn aıtqan. Aryzdanýshy áıeldiń sózine qaraǵanda úıge bógde adam kirmegen. Sol sebepti tergeýshiler áıeldiń 25 jastaǵy ulyn kúdikke aldy. Tergeý amaldary kezinde polıtsııa qyzmetkerleriniń kúdigi rastaldy.
«Belgili bolǵandaı, ustalǵan jigit esh jerde jumys istemeıdi. Urlanǵan altyn buıymdardy satý nemese lombardqa ótkizýdi josparlaǵan. Ózin destrýktıvti «salafızm» aǵymyn ustanýshy retinde tanytqan. Óziniń jasaǵan qylmysyn moıyndap, ókinishin bildirdi», - deıdi Aqmola oblysynyń PD baspasóz qyzmetindegiler.
