Aqmola oblysynda saqtardyń altyn buıymdary tabyldy
ASTANA. QazAqparat - Aqmola oblysynda saq dáýiriniń sırek kezdesetin zattary tabyldy. Keńótkel aýyly mańynda júrgizgen qazba jumystary kezinde arheologtar taǵy bir tarıhı oljaǵa tap boldy, dep habarlaıdy 24.kz telearnasy.
L.Gýmılev atyndaǵy Eýrazııa Ulttyq ýnıversıtetiniń oqytýshylary men stýdentteri jer astynan jasóspirim qyzdyń súıegin arshyp shyǵardy. Onyń janynda altyn buıymdar bolǵan. Bizdiń dáýirimizge deıingi VII ǵasyrdyń qysh ydystary da sol orynnan tabyldy.
« Bul - sırek kezdesetin túıreýish. Túıreýish altyn jalatylǵan. Jaqsy deńgeıde jasalǵan. Sondyqtan bul jerleýdi biz jas qyz balanyń jerleýi dep esepteımiz. Túıreýishke ártúrli monshaqtar tizbektelgen. Monshaqtardyń ózinde altynmen jalatylǵan jáne de bir jaq qulaǵynda úlken syrǵasy bar», deıdi L.N.Gýmılev atyndaǵy EUÝ aǵa oqytýshysy Serǵazy Sákenov.
