Aqmola oblysynda «Rýhanı jańǵyrý» baǵdarlamasy sheńberinde 7 kitap jaryq kórgen
Óńirlik kommýnıkatsııalar qyzmetinde Aqmola oblystyq ishki saıasat basqarmasynyń basshysy Gúljanar Shókeevanyń qatysýymen «Rýhanı jańǵyrý» baǵdarlamasyn júzege asyrý jumystarynyń qorytyndylary týraly brıfıng ótti.
«Rýhanı jańǵyrý» baǵdarlamasyn júzege asyrý sheńberinde oblysymyzda biraz sharýa atqaryldy. Endigi maqsat osy istelingen jumystardy halyqqa durys jetkizý», dedi Gúljanar Shókeeva brıfıngte.
Basqarma basshysynyń aıtýynsha, Elbasynyń «Bolashaqqa baǵdar: rýhanı jańǵyrý» maqalasy sheńberinde óńirde kóptegen jobalar júzege asyryldy. Onyń ishinde bıylǵy jyly oblys boıynsha barlyǵy jeti kitap basylyp shyqqan.
«Jańa ádebıetterdi jaryqqa shyǵarý boıynsha úlken jumys atqarylyp jatqandyǵyn basa aıtqym keledi. «Qazaqstan mádenıeti qazirgi álemde» arnaıy jobasy aıasynda Londonda aǵylshyn tilinde Sáken Júnisovtyń «Zamanai and Amanai» povesi jaryq kórdi. Keńes Odaǵynyń Batyry, jazýshy Málik Ǵabdýllınniń 11 tomdyq shyǵarmalar jınaǵy jáne «Málik Ǵabdýllın - Uly dalanyń maqtanyshy» atty albom-kitaby, professor Qadyrjan Ábýevtiń «Aqmola oblysynyń tarıh jáne mádenıet qaıratkerleri» atty bıblıografııalyq ocherki shyǵaryldy, jazýshy-pýblıtsıst Jabal Erǵalıevtiń ««Álemge! Ǵaryshqa! Bolashaqqa jol ashqan Tuńǵysh!» kitaby men «Aqan seri» jınaǵy, Aqmola oblysy týraly «Jer jánnaty» atty qazaq, orys jáne aǵylshyn tilderinde fotokitap jaryq kórdi», -dedi basqarma basshysy.
Sonymen qatar, brıfıngte Aqmola oblystyq tarıhı-ólketaný mýzeıiniń dırektory Qýanysh Shaqshaqov, oblystyq tarıhı-mádenı murany qorǵaý jáne paıdalaný ortalyǵynyń bas ınspektory Serik Ysqaqov jáne oblystyq bilim basqarmasynyń bas mamany Marına Lı oblystyń kıeli oryndary men mýzeı, mektep, joǵary oqý oryndaryndaǵy osy baǵyttaǵy atqarylǵan jumystar jaıynda aıtyp berdi.
