Aqmola oblysynda revaktsınatsııaǵa «Spýtnık Laıt» vaktsınasy qoldanylady
Basqarma basshysynyń sózinshe, 2021 jyldyń aqpan aıynan bastap Aqmola oblysynda bes vaktsınanyń birinshi komponentimen 338 549 adam nemese tıisti halyqtyń 70,7 paıyzy egildi, ekinshi komponentimen egilgen sany – 312 725 adam nemese 65,3 paıyz.
«Pfizer vaktsınasynyń alǵashqy komponentin 5470 adam aldy, onyń ishinde 3826 jasóspirim, 177 júkti jáne 1467 bala emizetin áıel bar. Ekinshi komponent 3175 nemese 4,8 paıyz aldy. Óńirde 44 162 adam qaıta vaktsınatsııalandy», - dedi N.Syzdyqov.
Basqarma basshysy atap ótkendeı, Kókshetaý, Stepnogor qalalary men Tselınograd jáne Zerendi aýdandary - vaktsınalaýdyń aýtsaıderleri bolyp otyr. Vaktsınatsııa paıyzy tómen.
«Paradoks. Halqy kóp aýdandarda vaktsınatsııa kórsetkishi óte tómen. Al turǵyndar sany az, barlyǵy jınaqtalǵan jerlerde birlesken ujymdyq jaýapkershilik bar. Azamattardy vaktsınatsııaǵa shaqyrǵym keledi, óıtkeni - bul ózińizdi jáne jaqyndaryńyzdy koronavırýstyń aýyr aǵymynan qorǵaýdyń jalǵyz tásili», - dep tolyqtyrdy N.Syzdyqov.
«Spýtnık Laıt» vaktsınasynyń 150 myń dozasynyń partııasy Qazaqstanǵa jetkizildi.
Oblystyq densaýlyq saqtaý basqarmasy basshysynyń aıtýynsha, Aqmola oblysynda bul vaktsınamen revaktsınatsııa kelesi aptada bastalady.
Buǵan deıin, «Spýtnık Laıt» vaktsınasy Pavlodar oblysyna jetkizilgen.
