Aqmola oblysynda respýblıkalyq mańyzy bar joldyń bir bóligi jabyldy

KÓKShETAÝ. QazAqparat – Respýblıkalyq mańyzy bar «Qostanaı-Derjavınsk» jolynda aýa raıynyń nasharlaýyna baılanysty kólik qozǵalysy ýaqytsha jabyldy. Bul týraly QazAqparat Aqmola oblysy Tótenshe jaǵdaılar departamentiniń baspasóz qyzmetine silteme jasap habarlaıdy.

«26 naýryzda saǵat 13.30-dan bastap aýa raıy jaǵdaıynyń nasharlaýyna baılanysty (Qostanaı oblysy jaǵynan joldy jabýǵa baılanysty) respýblıkalyq mańyzy bar Jezqazǵan-Petropavl tas jolynyń ýchaskelerinde (377-440 km, Qostanaı oblysynyń shekarasy - Derjavınsk qalasy) kólik qozǵalysy toqtatyldy», - delingen TJD baspasóz qyzmetiniń Instagram-daǵy habarlamasynda.