Aqmola oblysynda respýblıkalyq mańyzy bar joldar jabyldy
ASTANA. QazAqparat - Aqmola oblysynda jeldiń kúsheıip qar jaýýyna jáne kóktaıǵaq bolýyna baılanysty respýblıkalyq mańyzy bar joldarda kólik qozǵalysyna shekteý engizildi. Bul jaıynda QR ІІM Tótenshe jaǵdaı komıtetiniń resmı saıtynda jarııa etildi, dep habarlaıdy QazAqparat.
«Qazaqavtojol» RMK málimetine sáıkes, 23 naýryz kúni saǵat 20-00-den bastap aýa raıynyń nasharlaýyna (qar, jer, kóktaıǵaq) baılanysty kólik quraldarynyń kez kelgen túri úshin respýblıkalyq mańyzy bar myna avtomobıl joldarynda qozǵalysqa shekteý engizildi:
«Jezqazǵan-Petropavl» avtojoly (377-595 shaqyrym, Qostanaı oblysynyń shekarasy - SQO shekarasy);
«Qostanaı-Áýlıekól-Surǵan» avtojoly (232-260 shaqyrym, Qostanaı oblysynyń shekarasy - Surǵan eldi mekeni);
«Jaqsy-Esil-Buzlyq» avtojoly (0-82 shaqyrym, Jaqsy eldi mekeni-Buzlyq eldi mekeni);
«Ekaterınbýrg-Almaty» avtojoly (856-1247 shaqyrym, SQO shekarasy-Astana qalasy);
«Ekaterınbýrg - Almaty» avtojoly (1275-1353 shaqyrym, Astana q.-Qaraǵandy oblysy shekarasy);
«Astana-Qorǵaljyń» (19-180 shaqyrym, Astana-Qorǵaljyń);
«Astana-Qabanbaı batyr-oblys shekarasy» avtojoly (16-51 shaqyrym);
«Makınsk-Aqsý-Torǵaı» avtojoly (0-240 shaqyrym, Makınsk q.-Torǵaı q.);
«Astana-Ereımentaý-Shiderti» (16-205 shaqyrym);
«Kókshetaý-Atbasar» (48-184 shaqyrym, Zerendi eldi mekeni-Atbasar q.).
