Aqmola oblysynda respýblıkalyq birqatar joldar jabyldy
KÓKShETAÝ. QazAqparat – Aýa raıyna baılanysty Aqmola oblysyndaǵy respýblıkalyq mańyzy bar birqatar joldar jabyldy, dep habarlaıdy QazAqparat tilshisi oblystyq TJD silteme jasap.
Vedomstvonyń málimetinshe, 22 qańtarda saǵat 19:15-te aýa raıynyń kúrt nasharlaýyna (aqtútek boran) baılanysty respýblıkalyq mańyzy bar «Ekaterınbor - Almaty» (917-1247 km, Jaqsy kenti – Nur-Sultan qalasy), «Jaqsy - Esil - Buzylyq» (0-82 km, Jaqsy kenti- Buzylyq kenti) tas joldary kóliktiń barlyq túrine jabyldy.
«Sonymen qatar, 22 qańtarda saǵat 18:15-te aýa raıyna baılanysty «Ekaterınbor - Almaty» (1291-1426 km, Nur-Sultan qalasy – Qaraǵandy oblysy shekarasy) tas jolynda kólik qozǵalysyna ýaqytsha tyıym salyndy», - dedi vedomstvodan.
Óńirdiń TJD atap ótkendeı, osy kúni saǵat 21:00-de aýa raıynyń kúrt nasharlaýyna (aqtútek boran, burqasyn) baılanysty respýblıkalyq mańyzdaǵy «Nur-Sultan – Petropavl» (18-231 km, Nur-Sultan qalasy – Şýche qalasy) kúre joly kóliktiń barlyq túrine jabyldy.
Aslan Ospanov.
