Aqmola oblysynda reseılik júk kólikter soqtyǵysty
KÓKShETAÝ. QazAqparat - Aqmola oblysy aýmaǵynda «Astana-Petropavl» tas jolynyń boıynda reseılik eki júk kóligi soqtyǵysty, dep habarlaıdy QazAqparat tilshisi.
ІІD baspasóz qyzmetiniń málimeti boıynsha jol apaty 14 aqpanda Zerendi aýdanynyń Alekseevka aýyly mańynda oryn alǵan.
«Astana-Petropavl» tas jolynyń 329 shaqyrymynda Kókshetaý qalasyna baǵyt alǵan MAZ júk kóligi alda júrip kele jatqan MAZ kóliginiń artynan soqty. Jol kólik oqıǵasyna sebepker júrgizýshi Reseıdiń Qorǵan oblysy Petýhova aýdanynyń 1961 jyly týǵan turǵyny ekeni anyqtaldy», dep túsindirdi baspasóz qyzmetindegiler.
Jol apatynan 49-jastaǵy júrgizýshi túrli jaraqatpen Aqmola oblystyq aýrhanasyna jatqyzyldy.
Keıin ekinshi júk kóliktiń de Reseıdiń Qorǵan oblysynan ekeni anyqtaldy.
