Aqmola oblysynda Reseı azamaty kóligimen jaıaý júrginshini qaǵyp mert etti
ASTANA. 24 qazan. QazAqparat - «Ekaterınbýrg-Almaty» tas jolynda jol-kólik oqıǵasy oryn alyp, 30 jastaǵy astanalyq qaza tapty,
dep habarlady Aqmola oblystyq ІІD baspasóz qyzmetinen.
«Avtojoldyń 1208 shaqyrymynda Astana baǵytynda kele jatqan «DEÝ Matıs» kóligi jaıaý júrginshini qaǵyp ketti. 1980 jyly dúnıege kelgen elordalyq oqıǵa saldarynan alǵan jaraqatynan apat bolǵan jerde kóz jumdy. Jeńil kóliktiń rólinde 1959 jyly týǵan Chelıabi oblysynyń Magnıtogorsk qalasynyń turǵyny, reseılik azamat bolǵan», - delingen habarlamada.
Vedomstvonyń atap ótýinshe, júrgizýshi ishimdik ishpegeni belgili bolyp otyr. Sot-medıtsınalyq saraptama taǵaıyndaldy.
