Aqmola oblysynda pyshaq jaraqatymen eki adam aýrýhanaǵa tústi

NUR-SULTAN. QazAqparat – Aqmola oblysyndaǵy oıyn-saýyq mekemesiniń aýmaǵynda eki adamdy pyshaqtap ketti, dep habarlaıdy QazAqpaarat tilshisi.

Polisia.kz portalynyń málimetinshe, 24 shilde kúni Aqmola oblysynyń Jarqaıyń aýdandyq polıtsııa bólimine aýdandyq aýrýhanaǵa 31 jastaǵy jergilikti eki turǵyn ish qýysyna suǵylǵan pyshaq jaraqatymen jetkizilgeni týraly habarlanǵan.

«Jedel-izdestirý is-sharalary barysynda polıtseıler zardap shekkenderdiń densaýlyǵyna aýyr zııan keltirgen kúdiktini anyqtady. Ol buryn bopsalaýshylyq jasaǵany úshin qylmystyq jaýapqa tartylǵan Nur-Sultan qalasynyń 33 jastaǵy turǵyny bolyp shyqty. Oqıǵa aýdan ortalyǵyndaǵy oıyn-saýyq mekemeleriniń biriniń aýmaǵynda urys-keris kezinde bolǵan.

Polıtsııa bólimi atalǵan fakti boıynsha QR QK 106-baby 1-bóliginiń 2-tarmaǵy (Densaýlyqqa qasaqana aýyr zııan keltirý) boıynsha tergeý bastady. Kúdiktige qatysty kúzetpen ustaý túrindegi protsestik bultartpaý sharasy tańdaldy», - dep atap ótedi portal.