Aqmola oblysynda polıtsııa qyzmetkeri joǵalyp ketti
KÓKShETAÝ. QazAqparat - Aqmola oblysynda Kókshetaý qalalyq ІІB polıtsııa qyzmetkeri Darhan Muratuly Elamanov izdestirilýde, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Ol 25 jeltoqsan kúni keshki 20:00 men 21:00 aralyǵynda jumystan úıine qaıtqan, sol beti joǵalyp ketken.
"Darhan Muratuly Elemanov 1989 jyly týǵan. Boıy 170-175 sm, dene bitimi ortasha, shashy qara tústi, ústine qysqy polıtsııa kıimin kıgen. Іzdestirý sharasyna Aqmola oblystyq ІІD jeke quramy tartylǵan.
Darhan Elamanovtyń júrgen jeri týraly aqparatty biletin adamdar bolsa arnaıy "102" telefon nómiri nemese 8-716-2-29-96-00, 8-716-2-25-78-05 habarlasýlaryna bolady", dep kórsetilgen habarlamada.
